Мексикалық Сауль Канело Альварес британдық Каллум Смитті жеңді. Жекпе-жек Американың Сан-Антонио қаласындағы Alamodome стадионында өтті.
Жекпе-жек 12 раундқа созылды. Төрешілердің шешімімен Альварес жеңіске жетті. Екі спортшы үшін де бұл 2020 жылдағы бірінші жекпе-жек.
Канело өткен жылдың қараша айынан бері алаңға енді шығып тұр. Өткен жылы WBO титулының иегері ресейлік Сергей Ковалевті 11-ші раундта жеңген болатын. Смит де мұның алдындағы жекпе-жекті 2019 жылдың қараша айында өткізген. Ол төрешілер шешімімен Джон Райдерді жеңген еді.
