Қарақия ауданын өмір сүруге жайлы ету мақсатында Nur Otan партиясы азаматтарымыздың өмір сүру сапасын жан-жақты арттыруды, таза суға, ауаға және сапалы жолдарға қол жеткізуін қолдайды. Ақпараттық технологияның дамыған дәуірінде халықтың жоғары жылдамдықты интернетпен қамтылуы маңызды. Өйткені бүгінгі заман жедел ақпараттың, цифрланған қызмет көрсетудің кезеңі. Сондай-ақ биылғы пандемияға орай білім беруден бастап, көптеген сала онлайнға көшіріліп, қашықтан оқу, қашықтан жұмыс жасауына тура келді. Ғаламторға деген қажеттілік артты.
Қазіргі таңда Қарақия ауданы халқының 97,2 пайызы орталықтандырылған ауыз сумен қамтамасыз етілген. Жетібай ауылында 2021 жылы 2 м3 болатын резервуар, «Кендірлі» демалыс аумағынан, Жаңаөзен халқын ауызсумен қатамасыз ету мақсатында, тәулігіне қуаттылығы 50 м3 болатын су тұщыту зауыты, 2022, 2024 жылдары, ұзындығы 140 шақырым болатын Құрық, Жетібай, Мұнайшы ауылдарында су бұру желілерінің құрылысы жүзеге асырылады.
Жолдардың сапасын жақсарту бойынша ауылішілік және аудандық маңыздағы автомобиль жолдары жөнделіп, 5 жыл ішінде жолдар 37%-тен 60%-ке дейін жақсарады.
Ауданда өткен «Есіктен есікке» акциясында дәл осы жоспарлы жұмыстар айтылды. Аудандық мәслихат депутатына кандидат Айгүл Ізбасарова Бостан ауылында болып, Қарақұдық орта мектебіне барды. Ауыл тұрғындары жұмыспен қамту, ауыз су, жылу мәселелерін жеткізді. Мұғалімдер оқушыларды қашықтан оқытуды тоқтатып, екі ауысымда болса да мектепке келіп білім алуды жүзеге асыруды сұрады. Кандидат барлық сұрақтар негізге алынып, тиісті органдарға беріліп, жауапсыз қалмайтынын айтты. Осы уақытта облыстық мәслихат депутаттығына үміткер Айдана Базылбекованың сенімді өкілі Рысгүл Тайшаева ауыл тұрғындарының үйлерін аралап, үгіт материалдарын таратты.Ел халқының негізгі мәселесі – тұрғын үймен қамтамасыз етілу. Ауданда тұрғын үй кезегінде тұрғандардың саны – 1219 адам. Тұрмыстық жағдайды жақсарту үшін Жетібай ауылында 144 пәтерлі 2 тұрғын үйдің құрылысы алдағы жылы аяқталады. Құрық ауылы Аппақ елдімекенінде, Мұнайшы ауылында, Бостан ауылында, жалпы үш ауылды қосқанда 36 пәтерлік 18 үйдің құрылысы жүргізіледі. 5 жылда 200-ден аса отбасы тұрғын үймен қамтылады.
Nur Otan партиясы Маңғыстау облысы Қарақия ауданының Сайлау қоры қаражаты есебінен төленді