Елімізде алдағы онжылдықтағы өркендеуге қадам жасалған маңызды күн өтті. Сайлау еліміздің әлеуметтік-экономикалық бастамаларын табысты жүзеге асырып, өсіп-өркендеуіне тың серпін беді. Онда көшбасшы партиямыздың жеңіске жетуі – елге ортақ қуаныш.
Бүкіл дүниежүзін шарпыған коронавирус пандемиясы өмірімізді өзгертті. Өзгертіп қоймай, көптеген мәселеге басқаша қарауға мәжбүрледі. Бастысы, адамның ең басты құндылығы оның өмірі мен денсаулығы екенін түсіндік. Кәсіпкерлік салада жұмыс істейтін болғандықтан да біз пандемияның бизнестің экономикалық белсенділігін қалай төмендеткенін көрдік. Пандемия кесірінен шектеулер де, жұмыстан қысқартулар да болды. Осы аталған олқылықтарды жою үшін дағдарысқа қарсы шараларды жүзеге асырып, маңызды қадам жасалуы керек. Атап айтқанда, жаңа заң, нормативтік-құқықтық актілер, шешімдер қабылдануы қажет. Халыққа елдің бірлігі, тыныштығымен бірге тұрақты жұмыс, әлеуметтік кепілдік, сапалы білім, жоғары деңгейдегі медициналық көмек, жақсы инфрақұрылым қажет. Ол үшін, сөз жоқ, тиісті заңдар мен реформаларды жүзеге асыратын жаңа Парламент керек. Ал өз кәсібін ашып, ұршықша иіргісі келетін кәсіпкерлер елдегі тұрақтылықты қалайды. Міне, осы кезде түрлі инвестицияларды тартып, сан алуан жобаларды жүзеге асыруға болады. Мұндайда экономикалық белсенділік артады. Бұл, әсіресе «Nur Otan» партиясының жеңіске жетуімен мүмкіндік болатыны сөзсіз. Еліміздегі көшбасшы партияға дауыс берген әр азаматтың арманы – елдің амандығы, қоғамда өркениетке қадам басарлық игі жұмыстардың атқарылуы, осылайша елдегі тұрақтылық пен әлеуметтік-экономикалық жағдайды дамыту. Елімізде өткен сайлаудың ерекшелігі – әділ таңдауға мүмкіндік беретін праймериздің ашық өткізілуі. Бұл сайлауда жастарға ерекше мүмкіндік берілді. Нәтижесінде, халық елімізде жаңаша көзқарасты, ілімді жастардың барын көрді. Оларға тілектес болды. «Nur Otan» партиясының алдағы 5 жылдыққа арнаған айқын бағдарламасына халық үміттеніп, сенім артты. Алдағы онжылдықта көшбасшы партия өз уәдесіне тұрып, елімізде тұрақтылық пен бейбітшілік, экономикалық және әлеуметтік тұрғыда даму болатыны сөзсіз.Абдолла ІДІРІСОВ, Атырау облысы «Атамекен» кәсіпкерлер палатасының директоры