Нәтижесінде қала маңына қатынайтын қоғамдық көліктер тоқтап тұр.
Ауа райының қолайсыздығы мен жолдарды қар басуына байланысты қала маңына қатынайтын №№ 307, 309, 311, 318, 321 бағдарлардың қозғалысы уақытша тоқтатылған. Бұл туралы "Астана LRT" хабарлап отыр.
«Ауа райына, жолдарды қар басуына байланысты:
NN 309, 311, 318 бағдарлардың қозғалысы уақытша тоқтатылды.
NN 313, 314 бағдарлар Қызылсуат ауылына кірмейді.
N 315 бағдар Ижевское ауылына кірмейді.
N 310 бағдар Максимовка ауылындағы соңғы аялдамаға ауыл арқылы емес, тікелей трассадан келетін болады.
NN 307 және 321 бағдардың қозғалысы уақытша тоқтатылды.
N 308 бағдар Қызылжар ауылына кірмейді», – делінген хабарламады.
Сондай-ақ,
сайтта Байырқұм көшесін қар басып қалуына байланысты №64 бағдар «Учебный центр технологии на транспорте»
және «Электровоз құрау зауыты» аялдамаларына уақытша кірмей А-24 көшесімен
жүретіні айтылған.
