Ауған соғысының ардагері, ІІІ топ мүгедегі, Орал қаласының тұрғыны Серік Сұлтанов «Nur Otan» партиясы Батыс Қазақстан облыстық филиалының қоғамдық қабылдау бөлмесінің көмегіне жүгінді.
Денсаулығы сыр берген соғыс ардагері ауласындағы тұндырғышы толып кеткенін, тұндырғышты сорғызу үшін көлік қалың қардан кіре алмай отырғанын жеткізді. Денсаулығына байланысты қалың қарды өзі арши алмайтынын, ауласындағы қарды тазалауға еріктілердің көмегі керек екенін айтты. Аталған өтініш бойынша «Nur Otan» партиясы Батыс Қазақстан облыстық филиалы қоғамдық қабылдау бөлмесінің мамандары «Jas Otan» Жастар қанаты облыстық филиалының консультанты Е.Шамғалиевқа хабарласып, еріктілердің баруын қамтамасыз етуін ұйымдастыруды тапсырды. «Jas Otan» Жастар қанаты облыстық филиалының консультантының ұйымдастырумен жасотандықтар өтініш иесінің ауласының қарын тазалап берді. Сол күні Серік Сұлтанов партияның облыстық филиалының жедел желі нөміріне хабарласып, алғысын жаудырып, ризашылығын біл-дірді.Әбілмансұр ЖАСАН