АҚШ-та дәрігерлер ер адамды әйелмен шатастырып, оған кесар тілігін жасап тастаған, – деп хабарлайды World News Daily Report басылымы.
Дәрігерлердің салғырттығынан зардап шеккен Лесли Морган Уайат оларды сотқа берді.
Белгілі болғандай, америкалық азаматтың артық салмақтан денсаулығы сыр берген. Кеуде тұсы қатты ауырған ол құтқару қызметіне жүгінген.
Лесли Сэнт-Мэтьюз медициналық орталығына жеткізіліп, ондағы қызметкерлер ер адамды дереу босану бөліміне жатқызады. Олар ер адамды әйел деп санап, наркоз беру арқылы кесар тілігімен босандырып алуды жоспарлайды.
"Менің жыныс мүшемді қалайша ешкім байқамаған", – деп ашуланды Лесли кесар тілігі жасалғанын білгеннен кейін.
Уайаттың айтуынша, дәрігерлер оған кесар тілігін жасап тастағаннан кейін 30 минут өткен соң оның ер адам екенін түсінген.
Көп ұзамай ақ халаттылар Лесли жүктіліктен емес жүрек талмасынан өзін нашар сезінген деген диагноз қойды.
Енді жәбірленуші қателік жасаған дәрігерлерден 1,2 миллион доллар өтемақы өндіріп алмақ.
"Менің клиентім дәрігердің кесар тілігін жасау туралы ұсынысын қабылдаған кезде оған не болып жатқанын түсіне алмайтындай күйде болған. Себебі қатты ауырсыну мен күйзелісті басынан кешірген ол өзіне кесар тілігін жасау ұсынылып жатқанын бірден ұға қоймады", – деді Уайаттың адвокаты.
Дәрігер Джошуа Вайзенберг болса, Сэнт-Мэтьюз медициналық орталығында мұндай медициналық қателіктер кейде болып тұратынына қарамастан, ота науқастың өміріне ешқандай қауіп төндірмегенін және ол тез жазылып кететінін айтады.
