Биыл 1 наурызға дейін 128,8 мың отбасындағы 649 мың адамға атаулы әлеуметтік көмек тағайындалды. Бюджеттен 122,8 млрд теңге бөлінді. Бұл туралы Еңбек және халықты әлеуметтік қорғау министрлігі хабарлады.
АӘК отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70%-інен төмен азаматтарға беріледі.
АӘК алушылар қатарындағы 1 жастан 6 жасқа дейінгі 154,3 мың балаға азық-түлік және тұрмыстық химия жиынтығы түрінде әлеуметтік топтама тағайындалды.
Биыл 524,3 мыңнан астам адамға атаулы әлеуметтік көмек тағайындау мемлекеттік инстанцияға жүгінбей-ақ автоматты түрде ұзартылды.
