Екі қала арасын жалғайтын жолдың құрылысы 2023 жылдың соңына қарай аяқталуы тиіс. Биыл Балқашқа дейінгі жол салынып бітеді. Тас жол 4 жолақты болады.
Индустрия және инфрақұрылымдық даму вице-министрі Берік Қамалиев: «Алматы – Нұр-Сұлтан тас жолының құрылысы 2023 жылы аяқталады. Биыл Балқашқа дейінгі аралықты салып бітеді. Қызылорда мен Жезқазғанның арасын жалғайтын жолдың жобалық-сметалық құжаты дайын. Қажет қаржыны Еуропалық банк пен Азия даму банкі бөледі. Құрылысты биыл бастаймыз деп отырмыз. Жалпы ұзындығы 496 шақырым жол құрылысы 3 жылда бітеді», – деді.
