Алматыға ұрлықпен айналысуға келген 25 және 32 жастағы екі ер адам ұсталды. Бұл туралы polisia.kz жазды.
Алматы қалалық ПД Криминалдық полиция басқармасы бастығының орынбасары Руслан Смағұлов: «Бұрын сотталған екі азамат та қаланың жоғары бөлігінде пәтер ұрлығымен айналысқан. Олар пәтердің есігін кілт таңдау арқылы ашып, тек құнды заттарды ұрлады. Ақша мен қымбат зергерлік бұйымдарды ұрлаған. К. және А. есімді күдіктілер ұсталды. Тергеу басталды», – деді.
