Қазақстанда дағдарысқа қарсы шараларға бөлінген қаржыны аудиторлық тексеруден кейін бес қылмыстық іс қозғалды. Бұл туралы Қаржы министрлігі хабарлады.
Министрліктің мәліметінше, Ішкі мемлекеттік аудит комитеті дағдарысқа қарсы шараларға бөлінген 700 миллиардқа жуық теңгенің жұмсалуына қатысты тексеріс жүргізді. «Аудиторлық шаралар қорытындысы бойынша іс жүргізу шешімдерін қабылдау үшін құқық қорғау органдарына 10,5 миллиард теңгеден астам қаржыға 28 материал берілді, оның ішінде бес материал бойынша қылмыстық іс қозғалды, қалған материалдар қарау және тергеу сатысында» делінген хабарламада. Бұған дейін Премьер-Министрдің бірінші орынбасары Әлихан Смайылов 60 миллиард теңгеден астам қаржыны пайдалану бойынша заң бұзу дерегі анықталғанын айтқан еді.Мейірім ҚАЙРАТҚЫЗЫ