Ақтаулықтар қоныс тойын тойлады

Ақтау қаласында ел Тәуелсіздігінің 30 жылдығы аясында және елорда күніне орай жаңа тұрғын үй кешенінің 227 пәтері пайдалануға берілді. 33 шағынауданда орналасқан 670 пәтерден тұратын «Аққу-3» тұрғын үй кешенінің алғашқы бөлігі өткен айда тұрғындарға табысталды. 7, 9 және 12 қабаттан тұратын үйлер «Нұрлы жер» мемлекеттік бағдарламасы аясында бой көтерген.

Тұрғын үй кешенінде ор­на­ласқан жаңа пәтерлерге түрлі са­нат бойынша Ақтау қаласы әкім­ді­гін­де кезекте тұрып, «Отбасы» бан­кі арқылы байқаудан ірік­тел­ген тұрғындар ие болды. Сал­та­нат­ты шараға қатысқан Ақтау қа­ла­сының әкімі Нұрдәулет Қи­лыбай баспаналы болған тұр­ғын­дарды жаңа қонысымен құт­тық­та­ды.

«Мемлекет қолдауының нә­­­тижесінде баспаналы болып, қоныс тойын тойлайтындар саны артып келеді. Өткен аптада Ақ­тау­да 216 отбасы жаңа пәтерге кіріп, қуанышқа кенелген еді. Міне, бү­гін елорда күні қарсаңында та­ғы бір топ тұрғынға пәтер кілтін табыстадық. Мерекемен қатар кел­ген қоныс тойларыңыз құтты бол­сын. Шаңырақтарыңыз шат­тыққа толы болып, береке-бір­лі­гі­міз арта берсін», – деді қала әкі­мі.

Нұрдәулет Қилыбайдың ай­туын­ша, елімізде қолжетімді бас­пана мәселесін шешуге айрықша көңіл бөлінуде. Биыл облыс орта­лығында 86 мың шаршы метр тұр­ғын үй салу жоспарланған. Бұл үй­лерді Мемлекет басшысының тап­сырмасымен әзірленген бағ­дарламаға сәйкес «Отбасы» банкі ар­қылы алуға мүмкіндік беріледі. Бас­паналы болған азаматтар мем­лекеттің қолдауына алғыс ай­тып, жылы лебіздерін білдірді. Қуа­ныш­ты күнге жиналғандар жас отбасы Мейрам Сапарбаевтың шаңырағынан дәм татып, пәтер ішін аралап көрді.

«Бүгін біздің от­басымыз үшін қуанышты күн. Мемлекеттің қолжетімді бағ­дар­ламасы арқасында үш бөлмелі пә­терге ие болдық. Мемлекеттің жас отбасылар үшін жасаған осын­дай қолдауы үшін рақмет», – дейді қала тұрғыны.

Қазір үш бөліктен тұратын тұр­ғын үй кешенінің қалған бө­лігін аяқтау жұмыстары қарқынды жүріп жатыр. Осылайша, мемле­кет қолдауының нәтижесінде бас­паналы болып, қоныс тойын той­лайтындар саны артпақ. Айта кетейік, Маңғыстау облысы соң­ғы үш жылда тұрғын үй құрылысы бойынша республикада үздік үш­тік қатарынан көрініп келеді.

Мәдина ЖӘЛЕЛҚЫЗЫ, Маңғыстау облысы