Алматы облысы бойынша ҚАЖД ЛА-155/16 тергеу абақтысына 23 жастағы қыз аяқкиімге телефон жасырып, өткізуге тырысты. Бұл туралы polisia.kz хабарлады.
Талдықорған қаласының ЛА-155/16 мекемесінде жазасын өтеп жатқан сотталушыға 23 жастағы бойжеткен L8star маркалы ұялы телефонын және SIM-картасын бермек болған. Абақтының қырағы қызметкерлері телефонды тәркіледі.
Алматы облысы бойынша ҚАЖД бастығының міндетін атқарушы Қанат Ашов: «Аталған факті бойынша ҚР ӘҚБтК-нің 481-бабы бойынша әкімшілік құқықбұзушылық туралы материалдар жиналды», – деп атап өтті.
