Бұл туралы Сыбайлас жемқорлыққа қарсы іс-қимыл агенттігінің Telegram каналы хабарлады.
Бөлім басшысы өзінің қарамағындағы бас маманмен сөз байласып, ақша алған. Коронавируспен күресу үшін адамдар көп жиналатын іс-шараларды ұйымдастыру мен өткізуге тыйым салынғанына қарамастан, қала рестораторлары мен жаппай сауда өкілдерінен оларға қатысты әкімшілік жауапқа тартпау үшін жүйелі түрде 20 мыңнан 270 мың теңгеге дейін пара алған.
Мейрамхананың пара берген 5 әкімшісі қылмыстық жауапқа тартылады. Лауазымды адамдар уақытша ұстау изоляторына қамалды. Тергеу жалғасып жатыр.
