Қазақстандықтардың зейнетақы активтері 12,8 трлн теңгеден асты. LS агенттігі қай жастағы қазақстандықтардың зейнетақы шотында көп қаржы бар екенін жазды.
Ұлттық банктің деректері бойынша, 2021 жылғы 1 шілдедегі мәлімет бойынша міндетті жарналардың жеке зейнетақы шоттарының саны 10,9 млн жуық, ал жинақтар сомасы – 12,4 трлн теңгеге жеткен.
Салымшылардың шоттарында жиналған қаржыны жасы бойынша қарасақ:
31-40 жасқа дейін – шамамен 3,7 трлн теңге;
41-50 жасқа дейін – 3,67 трлн теңге;
51-60 жасқа дейін – 3,22 трлн теңге;
21-30 жасқа дейін – 1,1 трлн теңге;
61-70 жасқа дейін – 681,8 млрд теңге.
Ең аз қаржы 20 жасқа дейінгі салымшылардың шотында – 14 млрд теңге, 71-80 жасқа дейін – 4,8 млрд теңге және 81 және одан үлкен жастағы азаматтардың шотында 799,6 млн теңге сақталған.
Өңірлер бөлінісінде зейнетақы қаражатының ең көп үлесі дәстүрлі түрде Алматыдағы (2,4 трлн теңге), Нұр-Сұлтандағы (1,2 трлн теңге) және Қарағанды облысындағы (1,1 трлн теңге) шоттарда сақталған. Ал ШҚО тұрғындарында – 937 млрд теңге, Шымкентте – 934 млрд теңге, Атырау облысында – 666,5 млрд теңге және Ақтөбе облысында – 651,7 млрд теңге жиналған.
Ең аз қаражат СҚО салымшыларында – 345,7 млрд теңге, Қызылорда облысында – 393,7 млрд теңге және Түркістан облысында – 36,3 млрд теңге болды.
