Елордалық кәсіпкерлерді алдаған алаяқты полицейлер ұстады, – деп хабарлайды zakon.kz қалалық ПД-нің баспасөз қызметіне сілтеме жасап.
24 жастағы қала тұрғыны офис қызметкерлерін арбап, аз уақыт ішінде 3 жеке фирманы алдаған. Кәсіпкерлер оның сөзіне сеніп, «айыппұл» төлеген.
Жедел-іздестіру іс-шараларын жүргізу барысында алаяқ ұсталып, тергеу изоляторына қамалды.
Полиция ҚР Қылмыстық кодексінің 190-бабы бойынша сотқа дейінгі тергеу амалдарын жүргізуде. Күдіктінің елордада бұрын жасалған осыған ұқсас қылмыстарға қатысы тексеріліп жатыр.
