Биыл шілдедегі баға бойынша Қазақстанда дәрігердің алғашқы қабылдауының құны бір жылда 7,3% қымбаттаған, стоматология қызметі 5,6%, зертхана мен рентгенге түсу қызметі 3,3% қымбаттаған. Еnergyprom.kz Ұлттық статистика бюросының мәліметі бойынша, емхана қызметтерінің бағасын көрсеткен.
Қазақстанда емхана қызметтерінің бағасы бір жылда 6%-ға өскені анықталды.
Биыл шілдеде Қазақстанда дәрігерге қаралу орта есеппен 3529 теңге болды. Дәрігердің алғашқы қабылдауы ең қымбат өңір - Алматы (4624 тг. Кейінгі орындарда Шымкент пен Орал тұр. Ең төмен баға Түркістанда болды - 2129 теңге.
Ал ел бойынша іш қуысын УДЗ-ге түсіру орта есеппен 4041 теңге болды. Ең жоғары баға Алматыда тіркелді - 5128 теңге. Одан кейін Нұр-Сұлтан (4574 тг.) тұр. Ал ең төмен баға Оралда болды - 2554 теңге.
Жалпы қан талдауының құны елде орта есеппен 1225 теңге болды. Ең жоғары баға Өскеменде болған - 1484 теңге. Ең төмен баға Талдықорғанда тіркелді - 716 теңге.
Жалпы зәр талдауы Қазақстанда орта есеппен 729 теңге болды. Ең қымбаты Шымкентте (878 тг.), ең арзаны Талдықорғанда (592 тг.) тіркелді.
