Қазақстан Тәуелсіздігінің 30 жылдығына орай Шымкент қаласы Ішкі саясат және жастар істері жөніндегі басқармасының «Жастар ресурстық орталығы» КММ-нің ұйымдастыруымен «Жастар – қоғамның қозғаушы күші» атты кеңес өтті.
Кеңеске Шымкент қаласы әкімінің бірінші орынбасары Шыңғыс Мұқан, «Nur Otan» партиясы Шымкент қалалық филиалының бірінші орынбасары Жанар Бектаева, мәслихат депутаттары, аудан әкімдері, құқық қорғау, аумақтық департамент басшылары, қала әкімдігінің басқарма басшылары, жоғары оқу орындардың басшылары мен белсенді жастар және БАҚ өкілдері қатысты. «Nur Otan» партиясы жастардың сапалы білім алып, бәсекеге қабілетті маман болып қалыптасуына жағдай жасап, олардың қоғам өміріне белсене араласуын қолдайды. Жастар саясатын жүзеге асыруда партияның алар орны күн санап артып келеді. Жалпы, тәуелсіздік жылдарында мемлекетіміз жастарды қолдауға басымдық беріп, осы бағытта көптеген шараны жүзеге асыруда», – деді қала әкімінің бірінші орынбасары Шыңғыс Мұқан. Әсіресе, соңғы уақытта ел жастарына көңіл бөлу, оларды барынша жан-жақты қолдау ісі ерекше қарқын алды. Мұның басты айғағы ретінде «Nur Otan» партиясының Төрағасы Нұрсұлтан Назарбаевтың бастамасымен 2019 жылдың «Жастар жылы» деп жариялануын, Президент Қасым-Жомарт Тоқаевтың осы бағытта берген тапсырмалары шеңберінде қабылданып жатқан жүйелі шараларды, жүзеге асырылған жобаларды айтуға болады. Кеңесте қалада жастар саясаты аясында жүзеге асырылып жатқан жұмыстардың нәтижелері, жастардың дамуы мен әлі шешімін таппай отырған мәселелер туралы айтылып, мемлекеттік бағдарламаның нәтижесінде жетістіктерге жеткен жастар өз ойларымен бөлісті.Би-Барыс КӨКШЕ