Қалалық ТЖД-не шақырту сағат 10:24-те келіп түскен. Сол сәтте өрт сөндірушілер шұғыл түрде оқиға орнына аттанды.
Тілсіз жауды ауыздықтауға жедел штаб құрылды. Құтқарушылардың жедел әрекетінің арқасында 11 сағат 31 минутта өрт толық сөндірілді.«Құтқарушылар жеткен кезде 280 шаршы метр аумақта салынып жатқан екі қабатты тұрғын үйдің шатыры жанып жатқанын анықтады. Өрттің тез таралуына сол жердегі тез жанғыш материалдар мен шатырдың жұмсақ битуммен жабылуы себеп болған», – деп хабарлады Алматы қалалық ТЖД баспасөз қызметі.
Төтенше қызметтегілер берген мәлімет бойынша үйдің бірінші және екінші қабаттарына зақым келмеген. Зардап шеккендер жоқ.
Нұрболат АДЫРБЕК, Алматы