Теміртау қалалық тарихи-өлкетану мұражайында Тұңғыш Президент күні мен Қазақстан Тәуелсіздігінің 30 жылдығына арналған «Өзгерістер уақыты» атты көрме ашылды.
Экспозиция 1985 жылдан 1991 жылға дейінгі кезеңді, сондай-ақ одан кейінгі оқиғалар, Президенттің алғашқы демократиялық сайлауы мен жас республиканың қалыптасуының алғашқы қадамдарын ашады. КСРО-дағы қайта құру кезеңіне тән көптеген құжаттар мен экспонаттар ұсынылған. Атап айтқанда, көрмеге келушілер самогон аппаратын, жауынгер-интернационалистің берцы, тапшы тауарлар сөмкесін және азық-түлік талондарын көреді.
Көрменің жеке бөлімі 1990 жылғы 24 сәуірде Қазақ КСР Президенті лауазымы құрылған сәттен бастап 1991 жылғы 1 желтоқсанда Қазақстанда алғашқы демократиялық сайлау өткізілгенге дейінгі тарихи оқиғалар құжатын қайта жаңғыртқан. Мұнда Нұрсұлтан Назарбаевтың сайлауалды бағдарламасының түпнұсқаларымен және Қарағанды металлургия комбинатының үгіт парақшаларымен танысуға болады. Экспозицияның ерекше нысаны сайлау өткізуге арналған стенд болды. Интерактивті аймақ жас келушілерге – болашақ сайлаушыларға сайлау қағидаларымен танысуға мүмкіндік береді. Көрме 29 желтоқсанға дейін жалғасады. Экспозиция үлкен білім жүктемесіне ие екенін ескерген жөн. Мұнда жоғары сынып оқушылары мен студенттерге тарих сабағын өткізуге мүмкіндік тумақ.
