«AMANAT» партиясы Тараз қалалық филиалының өкілдері, филиал жанындағы қоғамдық кеңестің және қалалық мәслихаттағы депутаттық фракцияның мүшелері Ж.Бүркітбаева, М.Бердалиев, А.Қарағалиев қатысқан жиында партияның сайлауалды бағдарламасының орындалуы, мемлекеттік бағдарламалардың іске асырылуы, жастарға патриоттық тәрбие беру мәселелері сөз болды.
Жиын барысында жастарды еңбекпен қамтуға байланысты бос жұмыс орындары, мемлекеттік бағдарлама аясында тегін кәсіптік білім алу мүмкіндіктері және кәсіпкерлікпен айналысуға ниет білдірген азаматтарға көрсетілетін қолдау жөнінде ақпарат берілді.
Тұрғындар өз тарапынан балалардың бос уақытын тиімді пайдалану мақсатында қосымша білім беру мекемелерінің ашылуын, жер учаскелерін заңдастыру бойынша құжаттандыру мәселесінің қарастырылуы және тұрғындардың қауіпсіздігін қамтамасыз ету үшін полиция рейдтерінің жиі өткізілуі, әлеуметтік дүкенге тауарлардың уақытылы келіп тұруына ықпал ету жөнінде ұсыныстар айтылды.
Кездесу қорытындысы бойынша партия өкілдері мен фракция мүшелері айтылған ұсыныстар мен өтініштердің заң талаптарына сәйкес тиісті мекеме қызметкерлерімен бірлесе отырып қарастырылатынын және қабылданған шешімдер туралы өтініш иелеріне жауап берілетінін жеткізді. Сонымен қатар алдағы уақытта тұрғындар тарапынан айтылған өтініштердің қаралуы бойынша қоғамдық қабылдаулардың жиі өткізіліп тұратыны да айтылды.
