Мәжіліс Спикері, «AMANAT» партиясы фракциясының жетекшісі Ерлан Қошановтың төрағалығымен бюро отырысы өтіп, онда алдағы жалпы отырыстың күн тәртібінің жобасы нақтыланды.
Бюрода стрестік активтер нарығын дамыту мәселелері бойынша өзгерістер мен толықтырулар енгізу туралы заң жобасын қарау ұсынылды. Үкіметтік заң жобасы стресті активтердің өтімді нарығын дамыту және стресті активтерді экономикалық айналымға тарту үшін қолайлы жағдайлар жасауға бағытталған.
Отырыс барысында Мәжіліс депутаттары мүгедектігі бар адамдардың өмір сүру сапасын жақсарту мәселелері туралы заң жобасын екінші оқылымда қарайтын болады. Сонымен қатар палатаға Қазақстан мен Қырғыз Республикасы арасындағы Министрлер кабинеті «Орталық Азия өңірінің қауіпсіздігін қамтамасыз етуде әскери-техникалық жәрдем көрсету туралы келісімді ратификациялау туралы» заң жобасын қарау ұсынылады. Мәжілістің палата комитеті алдағы жалпы отырыста азаматтардың төлем қабілеттілігін қалпына келтіру және банкроттығы туралы және оған ілеспе заң жобаларын жұмысқа алады.
