Шайбалы хоккейден 2022 жылғы әлем чемпионатында Қазақстан құрамасы екінші кездесуінде Франциямен кездесу өткізді.
Кездесуде Валерий Орехов 5-минутта Қазақстанды алға шығарды. Екінші кезеңде франциялық құраманың белсенділігі аңғарылды. Нәтижесінде Александр Тексье 32, Флорьян Шакиашвили 39-минутта мергендік танытты.
Осылайша Қазақстан хоккейшілері Францияға 1:2 есебімен есе жіберді.
Қазақстан келесі ойынын 17 мамыр күні Нұр-Сұлтан уақытымен 23:20-да Швейцарияға қарсы өткізеді.
