Ұлттық статистика бюросының мәліметінше, биыл бірінші тоқсанда Қазақстан экономикасының әртүрлі салаларында 8,8 млн адам жұмыспен қамтылды. Оның ішінде, 6,7 млн адам жалдамалы қызметкер болса, 2,1 млн адам өзін-өзі жұмыспен қамтығандар.
Жалпы, жұмыспен қамту былтырмен салыстырғанда 35,1 мың адамға, оның ішінде жалдамалы қызметкерлер есебінен 30,8 мың адамға өсті.
Толық жұмыспен қамтылмағандар саны – 254 мың адам.
Жұмыссыздар саны (ХЕҰ әдістемесі бойынша) – 453,1 мың адам. Жұмыссыздық деңгейі – 4,9%. Ол өзгеріссіз қалды.
Жұмыссыз жүрсе де оны іздемеген немесе жұмысқа кірісуге дайын болмаған адамдар (потенциалды жұмыс күші) саны – 63,1 мың. 15-28 жастағылар арасындағы жұмыссыздық деңгейі – 3,9%, NEET жастарының жұмыссыздығы, яғни білім алумен немесе кәсіби даярлықпен айналыспайтын жастардың үлесі – 6,7%.
Биыл сәуірдің соңында 193 мың адам жұмыспен қамту органдарында жұмыссыз ретінде ресми түрде тіркелді.
