Қант қат дүниеге айналғалы бері «тәттіден тістеп» қалғысы келетін алаяқтар да көбейді. Мәселен, Тараз қаласында 23 жастағы азаматша «арзан бағамен қант әперемін» деп халықтың 2 миллион теңгесін қолды қылып кеткен.
Биыл 29 шілдеде Тараз қалалық 2-полиция бөліміне облыс орталығының бірнеше тұрғынынан бейтаныс азаматша арзан бағамен қант жеткізіп беремін деп сеніміне кіріп, алаяқтық жолмен қаржыларын иеленіп кеткені туралы арыз түседі. Келтірілген шығын көлемі 2 000 000-нан аса теңгеге бағаланған.
«Anti-fraud» жедел-іздестіру жұмыстарының нәтижесінде, 23 жастағы Тараз қаласының тұрғыны қолға түскен. Күдікті кінәсін толық мойындап, қазір оның осыған ұқсас басқа да қылмыстарға қатыстылығы анықталуда.
Иә, байқамасаң, арзанға ұмтылып бармақ тістеуің мүмкін.
