Үздік, белсенді және креативті партия мүшелерін анықтау және партияның қоғамда алатын рөлін насихаттау мақсатында AMANAT партиясы елордалық филиалының ұйымдастыруымен 15-30 тамыз аралығында «Партия келбеті» фотокөрмесі өтеді.
Көрмеге AMANAT партиясының кез келген мүшесі, бастауыш партия ұйымдарының өкілдері қатыса алады.
Партиялықтар күнделікті өмірде түсірілген шынайы, креативті фотосуреттерін 8 тамызға дейін nargizshotpaeva@mail.ru парақшасына жолдауы қажет.
Үздік деп танылған фотосуреттер «Бәйтерек» монументі алаңында ашық аспан астындағы фотокөрмеге қойылады. «Партия келбеті» деп танылған фотосуреттер арнайы жүлделермен марапатталады.
