Елордада белгісіз біреулер емханалар, сот ғимараттары, қонақүй мен сауда ойын-сауық орталығына жарылғыш зат қойылғаны туралы хабарлаған.
Полиция мәліметінше, 23 тамыз сағат 3.50-де «102» нөміріне авиациялық қауіпсіздік инспекторы хабарласып, әуежайдың электронды поштасына елордалық сот ғимараттарына жарылғыш зат қойылғаны туралы дерек түскенін айтқан.
«Сағат 9.11-де Park INN қонақүйінің, емханалардың, сондай-ақ Mega Silk Way сауда ортлығының ғимаратында бомба жасыру жайында ақпарат келіп түсті», – делінген хабарламада.
Құқық қорғау органдары жедел түрде тексеру жүргізген. Алайда еш жарылғыш зат табылмаған. Бұған дейін осыған ұқсас жалған хабарламалар Алматыда жиі кездескен.
