«Баланы мектепке даярлайық!» акциясы шеңберінде Шығыс Қазақстан облысында 1500-ден астам оқушыға оқуға қажетті кеңсе тауарлары бар мектеп сөмкелері табысталды.
«Сіздерді жаңа оқу жылының басталуымен шын жүректен құттықтаймын. Оқуда тек табыс, сәттілік тілеймін. Бұл – біздің дәстүрлі іс-шарамыз. Жыл сайын осылай балаларды оқу жылы қарсаңында қуантып өз тарапымыздан қолдау білдіреміз», – деді «AMANAT» партиясы фракциясының мүшесі, Шығыс Қазақстан облыстық мәслихатының депутаты Д.Сомов.
Игі шараның негізгі мақсаты – аз қамтылған және көпбалалы отбасынан шыққан балаларға қолдау білдіру. 10 жыл көлемінде дәстүрлі түрде ұйымдастырылып келе жатқан шараға депутаттар, меценаттар, кәсіпкерлер, бастауыш партия ұйымдарының өкілдері және белсенді партия мүшелері үнемі қолдау білдіріп, – демеушілік жасауда.
«Балаларды жаңа оқу жылына дайындау көпбалалы отбасылар үшін оңай емес. Осындай кезде мұндай акция– біз үшін үлкен көмек. Қазір бір баланың киім-кешегі мен оқуға қажетті құрал жабдықтарын сатып алудың өзі қомақты қаражатты қажет етеді. Көпбалалы ата-ана ретінде осы игі шараны ұйымдастырушыларға ризашылығымды білдіремін», – деді Өскемен қаласының тұрғыны, көпбалалы ана Г.Нөкежанова.
