Коронавирустық инфекцияның таралуы бойынша қалыптасқан жағдайға байланысты ағымдағы жылдың 6 қаңтарынан бастап ҚХР шекарасында күшейтілген санитарлық-өткізу бақылауы енгізілді.
Бүгінгі күннен бастап ҚР Денсаулық сақтау министрінің 31.01.2020 жылғы бұйрығына сәйкес ЕАЭО кедендік шекарасымен тұспа-тұс келетін шекараның барлық басқа учаскелерінде тұлғалардың орнын ауыстыруға күшейтілген бақылау енгізіледі .
Бұл халықаралық рейстер жүзеге асырылатын барлық әуежайлар, сондай-ақ еліміздің теміржол, автомобиль және теңіз шекаралары.
Мысалы, ұшақтар вирусты жұқтыру фактілері анықталған елдерден келген соң, бортта аса қауіпті инфекцияға күдікті адамдар анықталған жағдайда, ұшақ санитарлық тұраққа қойылады, сан-эпид қызметінің қызметкерлері пациенттердің жағдайын бағалайды.
Осыған орай, пациенттер сұрыптау жүргізілетін ғимаратқа жеткізіліп, қызуы бар және ауыратын пациенттер одан әрі бақылау және диагностика үшін стационарға жатқызылады. Температурасы бар науқастар басқа науқастардан оқшауланып, бақыланады.
Халықаралық қатынастағы темір жол поездарында да осындай жұмыстар жүргізілетін болады.
Автоөңдеулерде санитарлық-карантиндік бақылауды кеден қызметі органдары жүзеге асырады. Бүгінгі таңда біз оған көмек көрсету үшін мамандарымызды іссапарға жібердік.
"Күйзеліс пен қауіп жағдайында өз борышын атқаруда қажырлы еңбегі үшін біздің медиктерге алғыс айтқым келеді", - деп атап өтті Елжан Біртанов.
