«AMANAT AQYLMAN» білім бәйгесі Түркістан қаласында жалғасын тапты.
«AMANAT» партиясы Түркістан қалалық филиалы, «Jastar Ruhy» ЖҚ өңірлік филиалы және облыстық Жастар ресурстық орталығының ұйымдастыруымен өткен зияткерлік сайысқа 17 команда қатысты. Онда мұғалімдер, дәрігерлер, журналистер, бастауыш партия ұйымдарының төрағалары, түрлі сала өкілдері және жас еріктілерден құралған топтар өзара бақ сынасты.
Жарыс 7 кезеңнен тұрып, әр кезеңде түрлі салаға байланысты сұрақтар қойылды. Атап айтқанда, тарих, әдебиет, спорт, ұлттық дәстүрден бастап логикалық тапсымалар ойынды ширата түсті. Қатысушылардың айтуынша, ән жұмбақ сайысы серпіліс берді.
Тартысқа толы өткен зияткерлік ойын қорытындысына сәйкес Key to life командасы 3-орынды иеленді. Ал Назарбаев зияткерлік мектебінің жас ұстаздарынан құралған Youngstars командасы 44 ұпаймен 2-орынға жайғасса, журналистерден құралған «Тұран БАҚ» командасы 45 ұпай жинап, сайыс жеңімпазы атанды.
