– Біз ашық бәсекелестік пен әркімге бірдей мүмкіндік беретін Әділ Қазақстан құрып жатырмыз. Транспаренттік, адалдық және өзара сенімде саяси қайта құруларды жүргізу принципі маңызды. Қазақстанның болашағы – біздің сөзіміз бен ісімізде. Біз күн сайын ескі мен жаңаның, тоқырау мен дамудың арасында таңдау жасаймыз. «АМАNАТ» партиясы қашанда қоғамдық-саяси үдерістердің бел ортасында жүреді. Біз әртүрлі пікір мен көзқарас тоғысатын диалог алаңымыз. Егеменді мемлекет, азат ел, ашық қоғам – біздің мызғымас құндылығымыз. Мұны еліміздің әрбір азаматы жақсы түсінеді. Тәуелсіздік – талай қиындықпен жеткен, халқымызға мирас болған ұлы бақыт. «АМАNАТ» партиясы халықтың сеніміне арқа сүйей отырып, баршаңызды Мемлекет басшысы Қасым-Жомарт Тоқаевтың жүйелі реформаларын қолдауға, Әділетті Қазақстан құру идеясы төңірегінде топтасуға, халық болып, ел болып бірігуге шақырады, – деді Нұржан Хамидуллаұлы.Ал Болатбек Серікбайұлы студенттердің ертеңгі күні Президент Жолдауында айтылған нақты тапсырмалардың жемісін көретінін айтып өтті.
– Мемлекет басшысы Жолдауда елімізде жүзеге асатын жоспарлар туралы айтты. Оның бәрі Қазақстанның болашағы үшін. Біздің мақсатымыз – заманауи ғылымды экономиканы алға жетелейтін алып салаға айналдыру. Қазақстан жаһандық экономикадағы сын-қатерлерге төтеп беруі керек. Бізге де осы ғылыми-техникалық жаңалықтарды өндіріске енгізетін жаңа әрі білікті мамандар қажет. Өйткені адам капиталы – ең құнды байлық. Бұл реформалар халықтың өмір салтын түзетуге, демократиялық үдерістерді жедел жүргізуге әрбір адамның құқықтарын толық қорғауға бағытталған. Бір сөзбен айтқанда, барлығы халық игілігі үшін жасалып жатыр, – деді Болатбек Әбдрасілов.Жиын соңында сұрақтар қойылып, өзекті мәселелер талқыланды.
Қарағанды облысы