Астанада жаңа білім беру орталығы ашылды. «Жақсылық арифметикасы» аталатын оқу ордасында балалар мен жасөспірімдер бәсекеге қабілетті, сапалы білім алып, шығармашылық қабілетін жетілдіреді.
Оқу ордасының ашылуына қатысқан Астана қаласы әкімінің орынбасары Есет Байкен мұндай мекемелердің санын көбейту қажеттігін айтты.
«Астанада 200 мың бала оқитын 150-ден астам қосымша білім беру орталығы бар. Алайда елорданың кейбір аудандарында олар әлі де жетпейді. Атап айтқанда, «Жақсылық арифметикасы» атты жаңа орталық орналасқан Сарыарқа ауданының тұрғындарынан балаларға арналған демалыс мекемелері жетіспейтіні туралы өтініш көп түскен. Мұндай орталықтардың ашылуы қажырлы еңбек пен шыдамдылықты қажет етеді. Елордада осындай орталықтардың ашылуы жалпы білім беру жүйесінің сапасы айтарлықтай септігін тигізеді», – деп толықтырды Есет Байкен.
Жаңа орталықтың директоры Ұлжан Мырзағалиева мекеменің ашылуына және оның жұмысын жандандыруға үлкен қолдау көрсеткен Астана әкімдігіне алғысын білдірді.
«Жаңа орталықтың мақсаты – көпбалалы және аз қамтылған отбасылардан шыққан балаларды тегін және 50 пайыздық жеңілдікпен оқыту. Мұнда 300-ге дейін адам оқи алады. Орталықтың бағдарламасында 10 пән бар. Қала әкімдігінің қолдауымен жұмысқа қажет қызметкерлерді қабылдадық. Сонымен қатар, бізге жаңа орталық үшін ғимаратты қолайлы бағамен жалға алуға мүмкіндік берілді», – дейді Ұлжан Мырзағалиева.
Жаңа оқу орталығының сыйымдылығы – 350-400 орын. Білім беру нысаны «Жақсылық арифметикасы» қоғамдық қоры мен Астана қаласы әкімдігінің қолдауымен ашылды. Тоғызқұмалақ, робототехника, менталдық арифметика, вокал үйірмелері бар. Сондай-ақ, логопед маманының қызметін пайдалана аласыз.
