Медициналық және фармацевтикалық қызметті бақылау комитетінің Қызылорда облысы бойынша департаментінің басшысы Ғалия Байменова облыстық партия филиалының қоғамдық қабылдау бөлмесінде азаматтарды қабылдады.
Қабылдау барысында азаматтар дәріханалардағы дәрі-дәрмектер бағасы, дәріхана қызметкерлерінің этика нормаларын сақтауы, сонымен қатар мейірбикелердің санаттары бойынша мәселе көтерді. Департамент басшысы келушілердің сұрақтарына жауап беріп, түсіндіру жұмыстарын жүргізді. Бағаның шекті мәнін Dari.kz сайтына кіріп анықтауға болады. Ешбір дәріхана оларды ДСМ бұйрығы негізінде бекітілген шекті бағадан асыра алмайды. Егер ондай заң бұзушылықтар анықталған жағдайда 23-40-36 телефон нөміріне хабарласып, департаментке шағымдану мүмкіндігі бар екендігін атап өтті.
Ал мейірбикелердің санаттарына қатысты бөліністер ҚР «Халық денсаулығы және денсаулық сақтау жүйесі» Кодексіне 2020 жылғы 20 желтоқсанда енгізілген өзгерістер негізінде алынып тасталған. Сертификатталу міндеттелуіне орай санаттық бөлініс заңда көзделмеген.
