Елордалық прокуратурада қаржы пирамидаларын заңсыз ұйымдастыру фактілері бойынша он қылмыстық іс тергелуде, – деп хабарлайды "Хабар 24".
"Қазан" жаңа ойынынан зардап шеккен азаматтардан арыз түскен жоқ, бірақ қадағалау органында бұл пирамида екеніне күмән жоқ. Оны ұйымдастырушыларға 5 жылдан 10 жылға дейін бас бостандығынан айырылуы мүмкін. Бұл Қазақстан Республикасы Қылмыстық кодексінің 217-бабына сәйкес "қаржы пирамидаларын құру және басқару"үшін көзделген ең жоғарғы жаза.
Сонымен қатар, құқық қорғау органдары осы ойынның белсенді қатысушылары мен таратушыларын жауапкершілікке тарта алады.
Диляра Жанғазина, Нұр-Сұлтан қалалық прокуратура басқармасының прокуроры:
- Смс-хабарламадан келіп тұрғандай, ойынның мәні қатысушы белгілі бір ақша сомасын енгізеді. Бұл – 14300 теңге. Және басқа қатысушыларды тартады. Бұл қаржы пирамидасының белгілері, әдетте, пирамиданың жоғарғы жағы ғана байытылады, ал жаңа қатысушылар өз жарнасыз және уәделенген пайдасыз қалады.
Қала прокуратурасы бұл ойынның агрессивті және белсенді жарнамасына жол бермеуді ұсынады, өйткені онда алаяқтық схеманың барлық белгілері бар.
