Алматыда жол апаты болды. Оқиғаның видеосы әлеуметтік желіде тарады. Алматы қалалық Полиция департаментінің мәліметінше, жол апаты Абай даңғылында болған.
«ГАЗ маркалы автокөліктің 40 жастағы жүргізушісі Абай даңғылында, №141-үйге қарама-қарсы оңтүстік бағытта артқа бұрылып, Абай даңғылымен батыс бағытта жүріп келе жатқан Golden Dragon автобусымен соқтығысқан. Оқиға салдарынан ГАЗ көлігінің жүргізушісі зардап шекті. Ол ауруханаға жатқызылған жоқ», – деді Полиция департаментінің ресми өкілі Салтанат Әзірбек.
Полицейлер жол апатының себебін анықтап жатыр.