Маңғыстау облысының Ақшұқыр ауылында жантүршігерлік жол апаты болды. Жол-көлік апаты кезінде үш адам қаза тапты. Бұл туралы Маңғыстау облыстық Полиция департаменті хабарлады.
Қайғылы оқиға 9 қаңтарда сағат 15.35-те болды.
ZAZ Chance автокөлігінің жүргізушісі рөлге ие бола алмай, жолдың қарама-қарсы бетіне шығып King Long автобусымен соқтығысқан. Апат салдарынан оқиға орнында үш адам қаза тапты.
Аталған факт Қылмыстық кодекстің 345-бабы 4-бөлігіне сәйкес, Түпқараған ауданы ПБ ЕҚДБ-да «Абайсызда екі немесе одан да көп адамның өліміне әкеліп соқтырудағы ЖҚЕ бұзушылық» бойынша тіркелген.
Тергеу жүргізіліп жатыр.
