Қазақстандық теннисші Елена Рыбакинаның Австралия-2023 Ашық чемпионаты финалындағы қарсыласы анықталды. Ол Беларуссия өкілі, әлемнің бесінші ракеткасы - Арина Соболенко.
Екінші жартылай финалда әлемнің 5-ракеткасы, Беларусь өкілі Арина Соболенко дүниежүзілік рейтингіде 45-орында тұрған поляк қызы Магда Линетті 7:6 (7:1), 6:2 есебімен жеңген.
Айта кетейік, әлемдік рейтингте 25-ші орында тұрған Рыбакина жартылай финалда Виктория Азаренконы жеңіп, Australian Open турнирінің финалына шыққан тұңғыш қазақ спортшысы атанды.
Рыбакина мен Соболенко арасындағы финал 28 қаңтарда өтеді.
