Еліміздегі жас «аманаттықтар» саны 100 мыңнан асыпты. Бұл жайында волонтер, партия мүшесі Ариана Белобжицкая «AMANAT»-тың кезектен тыс XXV съезінде айтты. «Еліміздегі жас «аманаттықтар» саны 100 мыңнан асты. Әулиекөлде болған өрт кезінде дәл мендей 1 300 жас сол жаққа барды. 1 200 ерікті Екібастұз тұрғындарына көмек көрсетті. Өзгерістің бастамасы осы деп білемін. Әлем өзгеруде. Мемлекет қайта жаңғыруда. Партия бағдарын айқындады. «Жастар рухы» жастардың шығармашылық қабілетін дамытып, оларды қолдау мақсатында көптеген жобаны жүзеге асырып келеді. Бұл – рухтастар көрсете білген алып күш. «Сен де бір кірпіш дүниеге, кетігін тап та, бар қалан!..» деп, хакім Абай айтқандай, өз орныңды таба білу, жаның қалаған іспен айналысу, жаңа кезеңге аттаған еліміздің дамуына үлес қосу кез келгеніміздің қолымыздан келеді. Мен оған сенімдімін! Осындай ел болашағын айқындайтын жауапты кезеңде біз – жастар, өзіміздің бар ынта-жігерімізді салып, еңбек етуге дайынбыз!».
