«АМАNАТ» партиясынан облыстық мәслихат пен ҚР Парламенті Мәжілісі депутаттығына кандидаттар «Евразия Групп Қазақстан» ЖШС еңбек ұжымымен кездесу барысында сырттан бақылаушы болмауға және ел өміріне араласып, қалыс қалмауға шақырды.
Үміткерлер сөзін партияның сайлауалды бағдарламасының негізгі бағыттарымен және ережелерін таныстырудан бастады. Баяндамашылар партияның облыс тұрғындарының өмірінің негізгі бағыттарын жақсарту бойынша ұсыныстарына тоқталды. Мәселен, «АМАNАТ» партиясының сайлауалды бағдарламасында – жаңа жұмыс орындарын ашу, жастарға мүмкіндіктер беру, туризм мен ауыл шаруашылығын дамыту, сапалы білім мен қолжетімді медицинаға жағдай жасау, бұқаралық спортты, мәдениетті дамыту және бос уақытын өткізу, сондай-ақ халықты тұрғын үймен, ауызсумен және газбен қамтамасыз ету, жолдардың сапасын жақсарту.
Партиялықтар бес жыл ішінде үш миллион шаршы метр тұрғын үй мен 527 шақырым инженерлік коммуникациялар салуға қол жеткізуге, сондай-ақ проблемалық үйлердің құрылысын ортақ үлеспен аяқтау шараларын қабылдауға уәде берді.
«Бұл бес жыл ішінде 25 мыңнан астам ақмолалық отбасын баспанамен қамтуға, өңірдегі тұрғын үймен қамтамасыз ету көрсеткішін 26,5 шаршы метрге дейін арттыруға мүмкіндік береді», – деді кандидаттар.
Партия бағдарламасында жұмыстың 10 негізгі бағыты аясында халықтың өмір сүру сапасын арттыруға ерекше көңіл бөлінген. Атап айтқанда, Көкшетауда бүгінде ауызсу, қоқыс шығару мәселелері өзекті күйінде қалып отыр. Сонымен қатар, биыл еліміздің көптеген өңірлерінде жылумен қамтуда қиындықтар туындады. Ұсынылғандар бес жылда жылумен жабдықтау желілерінің тозуын 42%-дан 33%-ға, ал электрмен жабдықтауды 71%-дан 55%-ға дейін төмендету міндеттерінің бірін айтты.
Сондай-ақ, кадр тапшылығы мен мамандарды даярлау сапасы, балабақшалардың, мектептердің, алғашқы медициналық-санитарлық көмек ұйымдарының, спорт және мәдениет нысандарының болуы, оларды заманауи құрал-жабдықтармен қамтамасыз ету мәселелерін шешу маңызды болмақ. Осының барлығы бес жыл ішінде мектеп тапшылығын жоюға және балаларды мектепке дейінгі тәрбиемен қамтуды арттыруға, облыстағы медициналық ұйымдардың материалдық-техникалық базасын нығайту көрсеткішін арттыруға және медицина қызметкерлерінің тапшылығын шешуге мүмкіндік береді.
Бүгінде 13 баланы тәрбиелеп отырған көпбалалы ана Құралай Жұмабекова партияның сайлауалды бағдарламасының әлеуметтік бағытына тоқталып, әлеуметтік жетімдік мәселесіне тоқталды. Төрт жылдан бері облыста бес балалар үйінің жабылғаны партияның тынымсыз еңбегінің арқасында деді ол.
«Бүгінде партия мүшелері әлеуметтік жетімдіктің алдын алу үшін отбасын қолдау орталықтарын құруды мақсат етіп қойды. Партияның бағдарламасында отбасы ресурстары мен құндылықтары қашанда басымдық болып қалуы керегі де көрсетілген», – деді Қ.Жұмабекова.
Баяндамашы көптеген қазақстандықтар үшін жақсы көмек болатын жаңалық – Отбасының әлеуметтік картасына тоқталып, аутист балалардың мәселелеріне де көтерді. Бүгінгі таңда облыста ерекше қажеттіліктері бар балаларға арналған «Қамқорлық» оңалту орталығы жұмыс істейді, алайда оның базасында аутист балаларға қажетті оңалту қарастырылмаған. Партия мүшелері өңірлерде аутист балаларға арналған орталықтар салу міндетін алға қойды деп атап өтті ол.
Депутаттыққа кандидаттар жиналғандарды сырттан бақылаушы болмай, белсенді азаматтық позициясын танытып, алдағы сайлауға келіп, «АМАNАТ» партиясын қолдауға шақырды. Тек бірге, иық тіресе, біз Әділ Қазақстанды құра аламыз және өмірді жақсы жаққа өзгерте аламыз!
Ақмола облыстық мәслихаты депутаттарының
сайлауында партиялық тізімді ұсынған
"AMANAT" партиясы Сайлау қорының қаражатынан төленді
