Түркияның Стамбұл қаласында қаңғыған оқ тиіп, жараланған қазақ жігіті ауруханадан емделіп шықты. Ол оқыс оқиғаға кездейсоқ тап болған, – деп хабарлайды Aikyn.kz.
СІМ ресми өкілі Айбек Смадияровтың айтуынша, баласын емдету үшін Түркияға барған Қазақстан азаматына оқ тиген. Ол барған ауруханада оқты денесінен алуға 18 мың АҚШ доллар сомасында есепшот қойған. Біздің дипломаттардың араласуымен бұл операция тегін жасалды. Қазіргі кезде Қазақстан азаматы ауруханадан шықты.
Бұған дейін Түркияда оқ тиген отандасымызға көмек керек екенін жазған болатынбыз.