Қазақстан бокс федерациясының президенті Кеңес Рақышев алдағы әлем чемпионатының жеңімпаздарына қосымша сыйақы беретінін мәлімдеді, деп хабарлайды Vesti.kz.
"Біздің жігіттерге қосымша қолдау көрсетіп, ынталандыра түсу үшін жарыс жеңімпаздары мен жүлдегерлеріне, дәстүр бойынша, менің қаражатымнан ақшалай сый беріледі. Жеңімпаздар үшін 100 мың АҚШ доллары қарастырылған", - деп береді Рақышевтің сөзін ҚБФ баспасөз қызметі.
Жарысты ұйымдастырып отырған Халықаралық бокс қауымдастығы (IBA) алтын жүлдегерлерге 200 мың доллар, күміске - 100, ал қолаға 50 мың доллар сыйақы белгілеген болатын.