Антикорға жаңа міндеттер жүктеуді көздейтін Президент Жарлығының жобасы «Ашық» НҚА порталында жарияланды.
Құжатқа сай, Сыбайлас жемқорлыққа қарсы іс-қимыл агенттігіне мына функциялар беріледі:
– Әдеп жөніндегі уәкілдің сыбайлас жемқорлыққа қарсы іс-қимыл жөніндегі уәкілетті органмен өзара іс-қимылы уәкілетті органның және сыбайлас жемқорлыққа қарсы іс-қимыл жөніндегі уәкілетті органның бірлескен құқықтық актісіне сәйкес жүзеге асырылады.
– мемлекеттік органдарда, ұйымдарда және квазимемлекеттік сектор субъектілерінде сыбайлас жемқорлыққа қарсы стандарттардың болуына мониторинг жүргізу;
– мемлекеттік органдарда, ұйымдарда және квазимемлекеттік сектор субъектілерінде сыбайлас жемқорлыққа қарсы стандарттардың болуына мониторинг жүргізу;
– сыбайлас жемқорлықтың алдын алу мәселелері бойынша Әдеп жөніндегі уәкілдермен өзара іс-қимыл және олардың қызметін әдіснамалық қамтамасыз ету;
– нормативтік-құқықтық актілер жобаларына сыбайлас жемқорлыққа қарсы ғылыми сараптама жүргізу тәртібі мен мерзімдерін әзірлеу және бекіту;
– ҚР Президенті Әкімшілігінің келісімі бойынша сыбайлас жемқорлық тәуекелдеріне сыртқы талдау жүргізу тәртібін әзірлеу және бекіту;
– сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзге де жолмен жәрдемдесетін (көрсеткен) адамдарды көтермелеу тәртібін әзірлеу және бекіту;
– сыбайлас жемқорлыққа қарсы стандарттарды қалыптастыру жөніндегі әдістемені әзірлеу және бекіту;
– сыбайлас жемқорлық деңгейін бағалау жөніндегі әдістемені әзірлеу және бекіту.
Жарлық жобасын ашық талқылау 17 мамырға дейін көпшілік талқылауда болады.