Сондай-ақ елорда күніне орай ұйымдастырылып отырған байқауда әлеуметтік желілерде қаланың көркеюі мен дамуы туралы жарияланған үздік сюжеттің авторлары да бағын сынап көруге мүмкіндік беріліп отыр.
Әкімдіктің хабарлауынша, байқауға қатысуға барлық қазақстандық журналистер шақырылады. Айта кету керек, Астана қаласының Ішкі саясат басқармасының қолдауымен қалалық Коммуникациялар қызметі ұйымдастыруымен өтіп отырған конкурсқа 2022 жылдың 1 маусымынан 2023 жылдың 16 маусымына дейінгі кезеңде жарияланған немесе эфирге шыққан мемлекеттік тілде және орыс тіліндегі материалдар қабылданады. Бір қатысушы конкурсқа тек бір ғана материалдан өткізеді. Сондай-ақ жіберген жарияланымын бір номинация бойынша ғана ұсына алады. Түсінікті болу үшін елорда туралы баспа басылымдарында жарық көрген сараптамалық материалдарды өткізгенде «Үздік журналист-сарапшы», Астана қаласының әлеуметтік-экономикалық дамуы туралы интернет-басылымдардағы материалдар – «Үздік шолушы», Астанаға арналған радиосюжеттер – «Үздік радиорепортаж», қала өмірі туралы телесюжеттер – «Үздік телесюжет», мегаполис өмірі туралы бейнероликтер – «Үздік мобилограф», Астана туралы фотосуреттер – «Үздік фоторепортаж», әлеуметтік желідегі үздік материалдарды анықтауға бағытталған «Әлеуметтік желідегі Астананың 25 жылдығы туралы үздік материал» арнайы номинациясын таңдау керек. Байқауға Facebook, Instagram және TikTok әлеуметтік желілердегі танымал топтар мен пабликтер қатысуға өтініш бере алады.
Номинациялар бойынша жеңімпаздарды белгілі журналистерден, медиа-сарапшылардан және елордадағы осы саланың құрметті өкілдерінен құралған конкурстық комиссия айқындамақ. Ең үздік жұмыс ақшалай сертификаттармен ынталандырылса, жүлделі орындардың иелерін қомақты қаражат күтіп тұр. Бірінші орын үшін 1 миллион теңге, екінші орын үшін – 500 мың теңге, үшінші орын үшін – 300 мың теңге. Өтінімдерді қабылдау 2023 жылдың 16 маусымына дейін sluzhbakommunikatsiy@mail.ru. электрондық поштасы арқылы қабылданады. Ал ұйымдастыру комитетіне қосымша сауалдарды 8 702 407-52-82 байланыс телефонына хабарласып, толыққанды ақпарат алуға болады.