Бұл мәселе Премьер-Министрдің орынбасары – Сыртқы істер министрі Мұрат Нұртілеудің Оңтүстік Корея Республикасының сыртқы істер министрі Пак Жинмен кездесуінде талқыланды.
«Кездесу барысында Оңтүстік Корея Республикасының сыртқы істер министрі Пак Жин мырзамен мемлекетаралық байланыстың маңызын ескеріп, екі ел азаматтарының еңбек және көші-қон құқықтарын қамтамасыз ету мәселесін ортаға салдық», – деді М. Нұртілеу.
Ведомство басшысының мәлімдеуінше, Оңтүстік Кореямен саяси диалог, сауда-экономикалық және мәдени-гуманитарлық ынтымақтастық өрісін кеңейту – маңызды міндет.