Жалпы, 1991 жылдан бері елге 1 млн 115,1 мың этникалық қазақ оралды. Бұл туралы Aikyn.kz Еңбек және әлеуметтік қорғау министрлігіне сілтеме жасап хабарлайды.
Жыл басынан Қазақстанға келген қандастардың жартысы (54,2%) Өзбекстаннан, 20,1% – Қытайдан, 11% – Ресейден, 6,4% – Моңғолиядан, 4,9% – Түрікменстаннан және 3,3% басқа елдерден келді.
Елімізге келген этникалық қазақтар, негізінен, Алматы (27,8%), Маңғыстау (12,8%), Түркістан (6,4%) және Жамбыл (4,8%) облыстарына, сондай-ақ Астана (10,7%), Алматы (8,8%) және Шымкент (7,1%) қалаларына қоныстанды.
Еңбекке қабілетті жастағылар саны 67,5%-ды, еңбекке қабілетті жастан кіші – 23,8%, зейнеткерлер – 8,7%.
Еңбекке қабілетті жастағы қандастардың ішінен білім деңгейі бойынша 17,3%-ы жоғары білімді, 37%-ы орта кәсіби білімді, 38,4%-ы жалпы орта білімді және 7,3%-ның білімі жоқ.
Бір мезгілде отағасына және отбасының әрбір мүшесіне 70 АЕК (241,5 мың теңге) мөлшерінде; тұрғын үй жалдауға және коммуналдық қызметтерге ақы төлеуге – бір жыл ішінде 15-тен 30 АЕК (51,7-ден 103,5 мың теңгеге дейін) мөлшерінде төленеді.
Тұрғын үй сатып алу, салу үшін сертификаты тұрғын үй құнының 50%-ы немесе бір отбасына 4 млн теңгеге дейін қайтарымсыз қаржы беріледі.