Жел бағытының жиі өзгеруі де өрт сөндірушілерге қиындық туғызды. Әуеден тікұшақпен су шашып жатыр, – деп хабарлайды Aikyn.kz.
14 адам қаза тапқан апаттан соң Президент Абай облысына барып, өртенген орманды тікұшақпен барлап қайтты. Ал «Семей орманы» директорының міндетін атқарушы өрттің өршуіне техника, мамандарға арнайы киімнің тапшылығын айтты.
Оның айтуынша, «Семей орманында» техника мен арнайы киім жетіспейді.
«Өзім осы міндетті алғаныма бір ай ғана уақыт болды. Бізде бәрі шынын айтқанда, ескі машиналар. Көбі 1970-1980, 1990 жылғы машиналар, арнайы киімді 3-5 жылда алып тұрады. Түскен киімдерді береді. Аяқкиімдерді алған жоқпыз», – дейді «Семей орманы» табиғи резерваты мемлекеттік мекемесі бас директорының міндетін атқарушы Мұрат Зарлықұлы.
«Хабар 24» арнасына проблемаларды айтқан Мұрат Зарлықұлы 14 орманшы өрт жайылғанда әріптестері қашып үлгере алмағанын да айтты.
Бұған дейін орманшы Серікжан Тоқтасынның әкесі басшының орынбасары әйел адам болғандықтан, өрт ошағына ұлын жұмсағанын айтқан еді.
Фото: "Хабар 24" арнасының сюжетінен скриншот