Біраз уақыттан кейін баланың денсаулығы нашарлап, есінен танып қалған. Жедел жәрдем бригадасы науқасты Алматы Балалар жедел медициналық жәрдем орталығына жеткізді.
Баланың жақындары оның сол тұнбаны ішкенін білмегендіктен, бала тағамнан уланған деп болжап, нақты диагноз қою қиынға соққан. Дастан бұрын ешқашан дәрі-дәрмек пен тағам аллергиясынан зардап шекпеген.
«Бізге бала III дәрежелі экзоуытты шок салдарынан өте ауыр жағдайда түсті. Балада қандағы глюкозаның жоғарылауы (18 ммоль/л дейін), гипергликемия, кетоацидоз, бас ми ісінуі, жалпы интоксикация белгілері байқалды. Санасы комада болды. Қабылдау бөлімінің жағдайында науқасты көпбейінді дәрігерлер бригадасы тексеріп, шұғыл түрде клиникалық және зертханалық зерттеулер жүргізілді. Таушымылдық тұнбасымен жедел улану. Ауыр дәреже. 3-дәрежелі экзоуытты шок. Уытты энцефалопатия. Уытты гепатит. Науқас жансақтау бөліміне жатқызылды. Жеке дәрігерлік және медбике күзетті. Жағдайының ауырлығына байланысты науқастың жүрегі екі рет тоқтап қалған. РҚТБ қызметкерлері баланы реанимациялап, жағдайын тұрақтандыруға қол жеткізді», – дейді Алматы Балалар жедел медициналық жәрдем орталығының токсикология бөлімінің меңгерушісі Хурметбек Тохтарұлы.
10 күннің ішінде Балалар жедел жәрдем дәрігерлері баланы өмірге қайтарып алды. Улану белгілері тоқтап, баланың ағзасы қалпына келді.
«10-бөлімшенің медицина қызметкерлеріне, әсіресе, Хурметбек Тохтарұлына, сонымен қатар жансақтау бөлімшесінің қызметкерлеріне, әсіресе М.Мақұлбеков, Т.Бидайбай, А.Риги, А.Кулимбетов, невропатолог Н.Құрманбаевқа алғыс білдіремін! Жанкешті еңбектің, жоғары кәсібиліктің, қайырымдылықтың, сапалы медициналық көмек көрсетуге деген ұмтылыстың арқасында ұлым аман қалды. Жүрегі екі рет тоқтап қалды, бір тәуліктен астам уақыт комада болды, жасанды тыныс алу аппаратына қосылды. Міне, енді біз еш патологиясыз дерлік үйге шыққалы жатырмыз, денсаулығымыз жақсы, барлық анализдер жақсы нәтиже берді. Кәсіби мамандарды таңдап, жұмысты жақсы ұйымдастырған Балалар жедел медициналық жәрдем орталығының бүкіл ұжымына көп рақмет», – дейді Дастанның анасы.
Дәрігерлер азық-түлік қауіпсіздігі шараларын қатаң сақтауды, дәрі-дәрмек пен бала денсаулығына қауіпті заттарды олардың қолы жетпейтін жерде сақтауды сұрайды. Жаз – консерві мен маринадты дайындау маусымы, бұл кезде сірке суы және басқа қауіпті заттармен улану ықтималдығы айтарлықтай арта түседі.
Нұрболат АДЫРБЕК, Алматы