1 шілде күні елімізде сұйылтылған газдың жаңа шекті көтерме сауда бағасы күшіне енді, – деп хабарлайды ҚР Энергетика министрлігінің баспасөз қызметі.
«Газ және газбен жабдықтау туралы» ҚР Заңына сәйкес, ҚР Энергетика министрлігі жыл сайын 1 шілдеден бастап өндіруші зауыттар үшін сұйылтылған мұнай газының көтерме сауда бағасын белгілейді.
Белгіленген шекті көтерме сауда бағамен тоннасына 33 600 теңге (ҚҚС есептемегенде) зауытқа байланысты сұйылтылған мұнай газын өндірудің өзіндік құны тоннасына 42 000-72 000 теңгені құрайды.
Айта кету керек, 2022 жылы Қазақстанда сұйылтылған мұнай газының өндірісі 2021 жылмен салыстырғанда 400 000 тоннаға немесе 10%-ға төмендеді.
Осыған ұқсас кезеңде Қазақстанда сұйылтылған газды тұтыну 400 000 тоннаға өсіп, 1,8 млн тоннаны құрады (2021 жылмен салыстырғанда 28%-ға өсті).
Өндірістің төмендеуінің негізгі себептерінің бірі – инвестициялық тартымдылықтың болмауы. Өндіруші зауыттар сұйылтылған мұнай газын өзіндік құнынан төмен сатады.
Халықтың қажеттілігін жабу және осы өнімді өндіруді ынталандыру мақсатында «Қазақстан Республикасының тауар биржаларынан тыс ішкі нарығына сұйылтылған мұнай газын жеткізу жоспары шеңберінде өткізілетін сұйылтылған мұнай газының шекті бағасын бекіту туралы» ҚР Энергетика министрінің бұйрығымен өндіруші зауыттардан сұйылтылған мұнай газының шекті көтерме сауда бағасын тоннасына 33 600 теңгеден 40 320 теңгеге дейін көтерді (ҚҚС-сыз (2023 жылғы 26 маусымдағы №238 бұйрық).
Бұл ретте сұйылтылған мұнай газының шекті бөлшек сауда бағасы өңірге байланысты 1 литріне 4-6 теңгеге өсті.