Демалыс ұйымдастырып беремін деп 30 миллион теңгені жымқырған туристік агенттік директоры сотталды.
INFINITY TRAVEL M туристік агенттігінің директоры Марта Нам алаяқтық жолмен ақша жымқырғаны үшін кінәлі деп танылды. Экс-директор 5 жылға бас бостандығынан айырылды.
Марта Нам Түркия, Египет, Грузияға демалыс турларын сатып, 23 адамнан бас-аяғы 30 миллион теңге жымқырған.
Енді ол ҚР Қылмыстық кодексінің 190-бабы 3-бөлігі 3-тармағы («Екі немесе одан көп адамдарға қарсы алаяқтық») бойынша жауап беруі керек. Сонымен қатар сот оны жәбірленушілерге ақшаны қайтаруды міндеттеді.
Баян ЖАНҰЗАҚОВА
Фото: google.com