Қызылорда қаласының маңында автобус пен жеңіл автокөлік соқтығысып, екі адам көз жұмды.
Оқиға бүгін, 14 шілде күні сағат 7:00 шамасында Қызылорда қаласына қарасты Баймұрат ауылы аумағында болған.
«Шымкент-Самара» тасжолы бойында автобус пен жеңіл автокөлік соқтығысып, жол-көлік оқиғасы тіркелді.
Салдарынан жеңіл автокөліктің жүргізушісі оқиға орнында қаза тапты.
Автобустың бір жолаушысы медициналық мекемеде көз жұмды. Автобус жүргізушісі және 3 жолаушысы дене жарақатымен ауруханаға жатқызылды.
«Оның біреуіне алғашқы медициналық көмек көрсетілді. Жол-көлік оқиғасы бойынша ҚР Қылмыстық кодексінің 345-бабының 4-бөлігімен сотқа дейінгі тергеу жүріп жатыр», – деп хабарлады Қызылорда облыстық Полиция департаменті.
Тиісті сот сараптамалары тағайындалып, оқиғаның мән-жайы анықталып жатыр.