Шымкентте 10 жасар бала субұрқақта тұншығып, көз жұмды. Куәгерлердің айтуынша, ойын баласы қалалық әкімдіктің алдындағы фонтанда шомылып жүрген.
Тереңдігі бір метрден асатын субұрқаққа жеткіншек қатарластарымен бірге секірген,- деп мәлімдеді "Астана" телеарнасы.
Су жұтып қойған балаға жедел жәрдем қызметкерлері көмектесіп үлгере алмаған. Жеткіншек ата-анасының қарауынсыз шомылып жүрген.
"2013 жылғы бүлдіршін суға шомылып жүріп жүзу қағидаларын білмеуінен оқиға орнында қайтыс болған. Қазіргі таңда Полиция департаменті сот-медициналық сараптамасын тағайындады", – деп хабарлады қалалық ТЖД Азаматтық қорғаныс басқармасының бастығы Нұржан Қаракөзов.